Shpallja e gjendjes së jashtëzakonshme në Trepçë “është vendim stalinist”, ka thënë aktivisti i PSD-së, Zgjim Hyseni, referuar zhvillimeve të fundit ku Kryeshefi Ekzekutiv ua mohoi të drejtën minatorëve edhe për të marrë pushime vjetore – pas predikamentit edhe më të madh që ishin tre muaj pa paga.
Hyseni e quajti “ndëshkim të pastër për grevat” ndërsa tha se ligji për marrëdhënien e punës “nuk njeh nocion të gjendjes së jashtëzakonshme”.
“Merreni lexojeni ligjin, prej nenit të parë te i fundit”, tha Hyseni.
“Ndëshkim i pastër për grevat. Edhe çka parashihet në ligjin për grevë, gjëja kryesore është mos me u ndëshku pastaj. Çka ka bë ky, pas tre muaj që punëtorët s’kanë marrë paga, masi i kanë marrë pagat, tash p’ju thojnë ‘keni me kompenzu secilën ditë’”, tha ai.
“E greva me ditë që është kështu nuk është as grevë. Dhe ju ka ndalu me marrë pushimin vjetor për tre muaj, kjo është parafashizëm”, tha ai.
