Blerim Vela, shefi i kabinetit të presidentes së Kosovës, Vjosa Osmani, ka thënë se Serbia po tenton të ndërhyjë në zgjedhjet në veri.
Ai në Twitter ka thënë se Serbia po tenton ta bëjë këtë duke detyruar, korruptuar apo frikësuar kandidatët serbë lokale që të tërhiqen nga zgjedhjet e 23 prillit.
“Një shembull i qartë i ndërhyrjes së Serbisë në zgjedhjet lokale në veri të Kosovës është përpjekja e saj për të detyruar, korruptuar apo frikësuar kandidatët serbë lokalë për zgjedhjet e 23 prillit që të tërhiqen nga zgjedhjet apo pas zgjedhjeve të bëhen subjekt i regjimit të Beogradit dhe listës Serbe”, ka shkruar Vela.
