Vehbi Miftari, këshilltari politik i presidentes Vjosa Osmani, është larguar nga kjo pozitë pasi pritet të udhëheq misionin në Selinë e Shenjtë, Vatikan.
Këtë e ka bërë të ditur vet ai përmes një shkrimi në rrjetin social Facebook.
“E falënderova Presidenten për bashkëpunimin e shkëlqyer dhe besimin e saj dhe të institucioneve të vendit që nga 1 shkurti të udhëheq misionin e sapothemeluar të Kosovës në Selinë e Shenjtë/Vatikan”, – ka shkruar ai mes tjerash.
Postimi i plotë:
Sot, pas tri vjetësh angazhimi si këshilltar politik i Presidentes Vjosa Osmani, e përmbylla angzhimin tim në Zyrën e Presidentes së Kosovës. Ka qenë përvojë fort e vyer në shërbim të Republikës.
E falënderova Presidenten për bashkëpunimin e shkëlqyer dhe besimin e saj dhe të institucioneve të vendit që nga 1 shkurti të udhëheq misionin e sapothemeluar të Kosovës në Selinë e Shenjtë/Vatikan.
Na priftë e mbara!