Lindita Zeka nga Komuna e Gjakovës, është duke e pritur vajzën e saj në Aeroportin ‘’Adem Jashari’’ në Prishtinë, e cila fatmirësisht i mbijetoi aksidentit tragjik në Kroaci.
Ajo ka treguar përjetimet e saj kur kuptoi për tragjedinë, në aksidentin e së cilit, kishte pësuar lëndime edhe vajza e saj, përcjell klankosova.tv.
”Me padurim jam duke e pritur. Shpreh ngushëllime të gjithë familjarëve për këtë tragjedi kaq të madhe. Fatbardhësisht mua më shpëtoi vajza. Vetëm vajza ime, nga ne, ka qenë duke ardhë nga Frankfurti për Gjakovë”.
”Nuk ka fjalë me përshkru shpirtin e një nëne, një familje apo një prindi për këtë lloj tragjedie kaq të madhe. Nuk kam fjalë me përshkru. Veç ta shoh vajzën njëherë në këmbë, nuk po dua kurgjë tjetër”, shprehet ajo mes lotësh.
