Vizita e qytetarëve në derë të Qeverisë së Kosovës kanë filluar të bëhen trend.
“Kur iu thojnë po du me ardhë në Gjermani se në Kosovë s’ka vende pune, veç i çoni drejt te unë”, tha kryeministri i Kosovës, Albin Kurti para mërgimtarëve në Gjermani ditë më parë.
Për shkak të kësaj, sot disa qytetarë kanë tentuar të takohen me kryeministrin Kurti për të kërkuar punë.
Një gjë të tillë sot e ka bërë edhe Xhemajl Hasani, zyrtar i Partisë Nisma Socialdemokrate.
“Kusherit e mi në Austri me kanë sygjeru me ardhë të Kurti me kërku punë. Unë jam i papunë, këtë e dinë krejt dyjeja. Nëse është nevoja mujë me ardhë edhe me kapuq”, ka thënë ai.