Një pacient i pranuar sot rreth orës 16:00 në Klinikën Infektive në Prishtinë, ka vdekur vetëm gjysmë ore më vonë.
Lajmin e ka bërë të ditur, Infektologu Nderim Hasani.
Ai ka treguar se pacienti ishte 83 vjeç, nga Komuna e Mitrovicës.
Sipas Hasanit, të ndjerit i janë dërguar mostrat për testim për COVID-19 për të parë nëse ishte i prekur nga coronavirusi.
Ndërkaq, në mesin e 5 rasteve, të cilat Klinika Infektive i ka pranuar në orët e pasdites, e që pritet të testohen, është edhe një shtatzënë nga Mitrovica, por e cila është në gjendje të mirë shëndetësore, ka njoftuar Hasani.
