Ka ndërruar jetë mbrëmë i riu 23-vjeçar me inicialet B.H si pasojë e rrokullisjes me traktor. Kjo ngjarje e rëndë ndodhi në fshatin Rashanë të Mitrovicës
Vdekja e tij po cilësohet si aksidentale. Lajmin për Insajderin e ka konfirmuar zyrtarja për informim nga policia e Mitrovicës, Fexhrije Pllana.
“Rasti ka ndodhur mbrëmë, rreth orës 22:20 është raportuar rasti që një person nga rrokullisja e traktorit ka ndërruar jetë në fshatin Rezhanë, viktima i moshës rreth 23-vjeç. Njësitë patrolluese dhe ekipi i emergjencës kanë dalë në vendin e ngjarjes, rasti po cilësohet si vdekje aksidentale”, tha Pllana për Insajderin.
Varrimi i të ndjerit do të bëhet sot.
Aksident i ngjashëm ndodhi edhe dje në komunën e Podujevës, si pasojë e rrokullisjes me traktor ka humbur jetën një mashkull i moshës 40-vjeç.
