Vazhdon të zhgënjejë Kombëtarja Shqiptare.
Kuqezinjtë kanë pësuar edhe humbjen e katërt radhazi, duke u mposhtur në ndeshjen miqësore të zhvilluar në ‘Elbasan Arena’ nga Bosnjë Hercegovina me rezultat 1:2.
Nga këto katër humbje të fundit të Shqipërisë, më shqetësuese është se tri nga ato janë pësuar në terrenin vendas.
Dzeko dhe Lulic shënuan për Bosnjën, ndërsa golin e vetëm për Shqipërinë e shënoi sulmuesi Bekim Balaj.
Ndeshja e radhës e Kombëtares Shqiptare është ajo e 11 qershorit ndaj Izraelit në udhëtim në kuadër të kualifikimeve për ‘Rusia 2018’.