Të evakuuarit nga pjesët e kontrolluara nga separatistët e Ukrainës lindore vazhdojnë të kalojnë në Rusi përmes një pikë kontrolli kufitar.
Kështu raporton CNN, teksa thekson se një e evakuuar nga qyteti i Donetsk ishte shprehur se familja e saj u evakuua pasi dëgjuan zjarrin e predhave herët në mëngjesin e së dielës, shkruan lajmi.net.
“Gjithçka ndodhi spontanisht, dëgjuam zhurma granatimesh rreth orës 01:00 të mëngjesit, unë rrëmbeva fëmijën tim dhe vrapova”, tha Irina, 35 vjeçe.
Ndërkohë, një tjetër qytetar potencon se askush nuk i ka detyruar të ikin, por që të njëjtit po largohen në mënyrë vullnetare.
“Ne u larguam vullnetarisht, askush nuk na detyron të largohemi dhe disa njerëz zgjedhin të qëndrojnë,” tha Viktor Ivanovich, 63 vjeç.
Ndërkaq, zyrtarët lokalë në rajonin e Rostovit kanë shpallur gjendjen e jashtëzakonshme pasi udhëheqësit separatistë të premten urdhëruan evakuimin e civilëve nga rajoni.