Është varrosur sot Avdullah Gucati, babai i kreut të OVL e UÇK’së, Hysni Gucatit. Nuk dihet ende nëse Gucatit i është lejuar ardhja në Kosovë për të marrë pjesë në varrim.
Në ceremoninë e varrimit ka marrë pjesë edhe Ministri i Mbrojtjes, Armend Mehaj, i cili ka publikuar edhe disa fotografi nga ceremonia.
“Lajmi për vdekjen e bacës Avdullah Gucati ( babait të Hysni Gucatit i cili padrejtësisht po mbahet në Hagë), ishte i rëndë e pikëllues për të gjithë ne. Sot në ceremoninë e varrimit të tij, iu shprehëm ngushëllime familjarëve e të afërmëve. Në këto momente të dhimbjes, qëndrojmë me ju e përkrah jush. Kujtimet për bacën Avdullah, qofshin të përjetshme, dheu i Kosovës i qoftë i lehtë!”, ka shkruar Mehaj.
