Lidhjet e dashurisë të cilat krijojnë vajzat e reja, jo gjithmonë gjejnë përkrahjen e familjes. Si rrjedhojë shkaktohen telashe të shumta dhe me raste nevojitet edhe ndërhyrja e organeve të rendit për t’i zgjidhur problemet.
Në Polici kanë përfunduar së fundi edhe një vajzë me babain e saj nga fshati Pozheran i Vitisë, pasi 22-vjeçarja denoncoi prindin për dhunë në familje.
Sinjali mëson se ajo ka deklaruar që ka pasur mosmarrëveshje me babain e saj, për shkak se ky i fundit nuk është pajtuar me lidhjen e saj që ka krijuar me një person.
Babai i vajzës është intervistuar në cilësinë e të dyshuarit dhe me urdhër të prokurorit, ndaj tij është iniciuar rasti për veprën ‘Dhunë në familje’./PrishtinaPress/
