Në kuadër të bashkëpunimit me Jordaninë, një ekip i ushtrisë nga Jordania ka realizuar trajnimin tre javor të Kërkim-Shpëtimit Urban në Qendrën Ndërkombëtare të Trajnimit për Kërkim Shpëtim (QNTKSH), të Gardës Kombëtare të Forcës së Sigurisë së Kosovës, në Pomozotin.
Sipas njoftimit zv.ministri i Mbrojtjes, Shemsi Syla vlerësoi lart bashkëpunimin në mes dy ushtrive.
”Me këtë rast, zv.ministri Syla vlerësoi lart bashkëpunimin në mes dy ushtrive duke shprehur gatishmërinë për zgjerimin dhe avancimin e këtij bashkëpunimi edhe në fusha tjera me interes të përbashkët”, thuhet në njoftimin e Ministrisë së Mbrojtjes.
Qendra Ndërkombëtare e Trajnimit për Kërkim Shpëtim të FSK-së vazhdon trajnimin profesional të pjesëtarëve nga vende të ndryshme të botës.