SHBA ka rrëzuar një tjetër objekt fluturues të paidentifikuar, këtë herë mbi liqenin Huron pranë kufirit kanadez, në atë që është incidenti i katërt i tillë këtë muaj.
Ai u rrëzua nga pilotët e Forcave Ajrore dhe Gardës Kombëtare të dielën, tha kongresmenja e Miçiganit Elissa Slotkin.
“Punë e madhe nga të gjithë ata që e kryen këtë mision”, tha ajo.
Washingtoni ka qenë në gatishmëri të lartë që kur ushtria e tij shkatërroi një balonë të dyshuar spiune kineze më 4 shkurt.
Incidenti i së dielës është hera e tretë në po aq ditë që një objekt i paidentifikuar në lartësi të madhe është rrëzuar nga avionët luftarakë amerikanë.
Të premten, presidenti Joe Biden, urdhëroi që një objekt të rrëzohej mbi Alaskë. Dhe të shtunën një objekt u qëllua mbi Yukon në veri-perëndim të Kanadasë.
Si SHBA ashtu edhe Kanadaja po punojnë për të rikuperuar mbetjet e objekteve. Kërkimi në Alaskë, megjithatë, është penguar nga kushtet e Arktikut.
