Unioni i Studentëve Shqiptarë (USSH) ka njoftuar se do të hmbështet marshin për drejtësi në shenjë solidarizimi me krerët e UÇK-së.
Në njoftimin e tyre thuhet se secili që beson në pastërtinë dhe vlerat e luftës sonë duhet të reagojë ndaj tendencave e përpjekjeve për ndryshimin e historisë sonë.
“Studentët kanë luajtur rol vendimtar në nisjen e të gjitha proceseve që kanë rezultuar me çlirimin dhe pavarësimin e vendit, andaj ftojmë të gjithë studentët që të bashkohen në marshin për drejtësi me 2 prill me fillim nga ora 14:00. Marshi fillon nga sheshi “Zahir Pajaziti” në drejtim të sheshit “Skënderbeu” në Prishtinë”, thuhet në njoftim.
Njoftimi i plotë:
Unioni i Studentëve Shqiptarë (USSH) si organizata me e madhe studentore ne Universitetet Shqipfolse, mbështet marshin për drejtësi në shenjë solidarizimi me krerët e UÇK-së që po gjykohen në Hagë.
Secili që beson në pastërtinë dhe vlerat e luftës sonë duhet të reagojë ndaj tendencave e përpjekjeve për ndryshimin e historisë sonë.
Studentët kanë luajtur rol vendimtar në nisjen e të gjitha proceseve që kanë rezultuar me çlirimin dhe pavarësimin e vendit, andaj ftojmë të gjithë studentët që të bashkohen në marshin për drejtësi me 2 prill me fillim nga ora 14:00. Marshi fillon nga sheshi “Zahir Pajaziti” në drejtim të sheshit “Skënderbeu” në Prishtinë.
Unioni i Studentëve Shqiptarë
#MarshkojmëPërDrejtësi ????
#LiriaKaEmër ????
#UÇK ????????
#USSH ????❤️
