Programi i Kombeve të Bashkuara për Zhvillim (UNDP), në bashkëpunim me Ministrinë e Punës dhe Mirëqenies Sociale (MPMS), me financim nga Ministria e Tregtisë dhe Industrisë, organizojnë sot ceremoninë e ndarjes së certifikatave për praktikantë.
Ky program, i cili u lansua para disa muajve, u mundësoi mbi 130 personave të posa diplomuar të kryejnë dy muaj punë praktikë në kompani të ndryshme në sektorin privat anë e kënd Kosovës.
Gjatë ceremonisë, një grupi të përzgjedhur të praktikantëve do t’u dorëzohen certifikatat personalisht nga Ministria e Punës dhe Mirëqenies Sociale, KIESA dhe UNDP-ja.
Më pas, pronarët e bizneseve do të ndajnë përvojat e tyre në punësimin e kandidatëve përmes kësaj skeme.
Në ngjarje do të marrin pjesë përfaqësues të lartë të institucioneve të Kosovës, UNDP-së dhe nga sektori i biznesit.