Punonjësit e një firme ukrainase të armëve komplotuan me zyrtarë të ministrisë së Mbrojtjes për të përvetësuar pothuajse 40 milionë dollarë të destinuara për të blerë 100 mijë predha mortajash për luftën me Rusinë, njoftoi shërbimi i sigurisë i Ukrainës.
SBU tha të shtunën vonë se pesë persona janë akuzuar, me një person të arrestuar ndërsa përpiqej të kalonte kufirin ukrainas. Nëse shpallen fajtorë, ata përballen me 12 vjet burg, shkruan euronews.
Hetimi vjen pasi Kievi përpiqet të shtypë korrupsionin në një përpjekje për të përshpejtuar anëtarësimin e tij në Bashkimin Evropian dhe NATO.
Zyrtarët nga të dy blloqet kanë kërkuar reforma të gjera kundër ryshfetit përpara se Kievi t’i bashkohet atyre.
