Ministri i Jashtëm i Ukrainës, Dmytro Kuleba, u ka bërë thirrje kompanive ndërkombëtare që të bojkotojnë aktivitetet e tyre në Rusi.
“Ju bëj thirrje të gjitha organizateve që t’i bashkohen bizneseve globale, të cilat tashmë kanë ndaluar ose pezulluar operacionet me ose në Federatën Ruse, duke refuzuar të financojnë dhunën, vrasjet dhe krimet kundër njerëzimit me taksat e tyre.
Sapo Ukraina të fitojë këtë luftë, ne do të fillojmë të rinovojmë infrastrukturën dhe ekonominë tonë, duke vazhduar rrugën e reformave për t’u bërë një anëtare e plotë e Bashkimit Europian.
Në këtë drejtim, dëshiroj tu bëj thirrjeve të gjithë kompanive të solidarizohen me Ukrainën dhe t’u bashkohen kompanive të tjera shumëkombëshe, të cilat tashmë kanë shprehur gatishmërinë e tyre për të filluar biznesin në vendin tim.
Kompanitë nga Apple tek Zara kanë njoftuar se do të ndalojnë operacionet e tyre në Rusi. Të tjerë, të tillë si Coca-Cola dhe McDonald’s po përballen me një reagim të ashpër për të mos u tërhequr nga Rusia,” përfundoi ministri.
