Ukraina ka pranuar avionët e saj të parë luftarakë F-16 të prodhuar në Amerikë, ka thënë presidenti ukrainas, Volodymyr Zelensky.
“F-16 në Ukrainë. E bëmë,” tha Zelensky gjatë një ceremonie në një bazë ajrore të paemëruar, i rrethuar nga dy prej avionëve, ka raportuar BBC.
Lideri i Ukrainës falënderoi aleatët për atë që ata dikur hezitonin shumë ta ofronin – megjithëse shtoi se duheshin edhe shumë të tjerë.
Ardhja e avionëve shënon një moment të rëndësishëm në forcimin e kapaciteteve të forcave ajrore të Ukrainës, të cilat kryesisht mbështeten në avionët e vjetër të epokës sovjetike.
