Ukraina ka nisur disa sulme në qytetin kufitar të Belogrodit të Rusisë, sulme këto që thuhet se janë hakmarrëse pas një vale sulmesh me raketa dhe dron që lanë të vdekur pesë ukrainas, dhe dhjetëra të plagosur.
Nëntë raketa tokë-ajër u rrëzuan mbi Belgorod në dy sulme të martën në mëngjes, ku u vra një dhe u plagosën pesë të tjerë, tha guvernatori rajonal Vyacheslav Gladkov.
Presidenti ukrainas Volodymyr Zelensky kishte paralajmëruar më herët se Ukraina do t’i përgjigjet sulmeve ruse në kryeqytet, Kiev dhe në verilindje të Kharkiv, duke thënë se Moska “do të përgjigjet për çdo jetë të hequr”.
“Shteti terrorist duhet të ndjejë pasojat e veprimeve të tij”, tha ai disa orë pasi Rusia kreu sulmin e tretë të madh ajror në katër ditët e fundit, raporton The Telegraph, transmeton Klankosova.tv.
Belgorod, i cili ndodhet vetëm 20 milje nga kufiri ukrainas, ishte vendi i një sulmi të paprecedentë nga forcat e Kievit të shtunën, për të cilin zyrtarët rusë thanë se vrau 25 njerëz.
Presidenti rus Vladimir Putin u zotua të intensifikojë sulmet ajrore ndaj Ukrainës si përgjigje dhe lëshoi 99 raketa dhe 35 drone Shahed të prodhuar nga Irani në Kiev dhe Kharkiv të martën në mëngjes.
