Ukraina ka ftuar guvernatorin amerikan të Floridas, Ron DeSantis për vizitë, pasi që ai cilësoi agresionin rus si “konflikt territorial”.
DeSantis pritet të garojë për president në vitin 2024 dhe i bëri këto komente në përgjigjje të pyetjeve të dërguara nga konkurrentët republikanë.
Ish-kongresmeni tha se përkrahja e vazhdueshme e Amerikës për Ukrainën nuk ishte në “interesa thelbësore kombëtare”. Prandaj, senatorët republikanë e kritikuan për këto komente.
Edhe shumë nga ligjvënësit e lartë akuzuan DeSantis për mohim ose minimizim të krimeve të luftës të Rusisë në Ukrainë dhe thanë se agresioni i Moskës nuk duhet të mohohet.
DeSantis nuk ka njoftuar zyrtarisht qëllimin e tij për të sfiduar ish-presidentin Donald Trump për nominim republikan, por ka ndërmarrë të gjitha hapat e nevojshme për të kuptuar se do ta bëjë.
Në përgjigjjen e tij në pyetjet e gazetarit të Fox Neës, Tucker Carlson, ai tha:
“Përderisa SHBA ka disa interesa thelbësore kombëtare – si sigurimi i kufijve tonë, adresimi i krizave për gatishmëri brenda ushtrisë sonë, arritje të sigurisë dhe pavarësisë energjetike, dhe kontrollimin e fuqisë ekonomike, kulturore dhe ushtarek te Partisë Komuniste Kineze – të ngatërrohemi edhe më tutje në një konflikt territorial midis Ukrainës dhe Rusisë nuk është njëra nga to”.
Zëdhënësi i ministrisë së jashtme ukrainase, Oleg Nikolenko kritikoi komentet e DeSantis dhe e postoi në Tëitter ftesën e tij për republikanin të martën.
“Ne jemi të sigurtë se si ish-zyrtar ushtarak i dërguar në zona lufte, guvernatori Ron DeSantis e di mirë dallimin midis konfliktit dhe luftës. Ne e ftojmë ta vizitojë Ukrainën dhe ta kuptojë më thellë agresionin rus dhe kërcënimet që ka për interesat e SHBA-së”, tha Nikolenko.