Ukraina do ta fitonte luftën më shpejt nëse do të kishte leje të gjuante armë britanike dhe të tjera perëndimore kundër objektivave thellë brenda Rusisë, ka sinjalizuar kreu i marinës ukrainase.
Zëvendësadmirali Oleksiy Neizhpapa tha për Sky News se rrjedha e gjithë konfliktit do të kishte qenë shumë ndryshe nëse forcat ukrainase do të lejoheshin të përdornin municione perëndimore pa kufizime që në fillim.
Mbretëria e Bashkuar, SHBA dhe aleatët e tjerë ranë dakord të fillojnë t’i japin Ukrainës raketa me rreze më të gjatë veprimi vetëm vitin e kaluar.
Forcat ukrainase i kanë përdorur ato për të goditur objektivat në pjesët e pushtuara nga Rusia të Ukrainës, por jo thellë brenda Rusisë, mes shqetësimeve për përshkallëzimin.
Në një intervistë, komandanti ukrainas tha gjithashtu se marina e tij do të merrte me kënaqësi dy anije luftarake britanike, të cilat Marina Mbretërore thuhet se duhet të tërheq para kohe për shkak të mungesës së marinarëve mes një krize rekrutimi.
“Ne duhet të kemi aftësitë për t’u siguruar që Rusia të heqë dorë përgjithmonë madje edhe nga mendimi për të parë në drejtim të Ukrainës, duke përfshirë edhe në det”, citohet të ketë thënë Neizhpapa.
Pavarësisht aseteve të kufizuara detare, forcat e armatosura ukrainase – të mbështetura nga MB dhe aleatët e tjerë – kanë kryer një operacion kundër flotës shumë më të madhe ruse të Detit të Zi në dhe rreth Krimesë së pushtuar, duke shkatërruar anije dhe infrastrukturë.