Ndeshjen e radhës në Ligën e Konferencës Ballkani do ta zhvillojë në stadiumin “Air Albania”.
Kampioni i Kosovës ndeshjen ndaj Viktoria Plzenit detyrohet ta luajë jashtë Kosovës, pasi më as stadiumi “Fadil Vokrri” nuk po i plotëson kushtet e nevojshme për lojë.
UEFA ka njoftuar zyrtarisht për vendimin e ndryshimit të vendit për këtë ndeshje.
“Për shkak të kushteve të përkeqësuara të fushës pas ndeshjeve të fundit, ndeshja e ardhshme e fazës së grupeve të UEFA Ligës së Konferencës ndërmjet Ballkanit dhe FC Viktoria Plzeň është zhvendosur nga Stadiumi Fadil Vokrri në Prishtinë, Kosovë, në stadiumin Air Albania në Tiranë, Shqipëri. Ndeshja mbetet e planifikuar për të enjten, 30 nëntor, në orën 18:45 CET”, thuhet në njoftim.