Zëvëndësministri në Ministrinë e Administrimit të Pushtetit Lokal, Arbër Vokrri, në “Info Magazine” në Klan Kosova foli në lidhje me udhëzimin administrativ për kryetarë e komunave veriore.
Vokrri u shpreh i sigurt se ky udhëzim do të jetë gati brenda javës, sepse sipas tij, ka mbetur edhe pak punë deri në finalizim, përcjell Klankosova.tv.
“Ka mbetur vetëm edhe fare pak punë që të finalizohet dhe jam i sigurtë që brenda javës që vjen do të jetë gati. Për aq sa unë jam i informuar dy kanë qenë vërejtjet kryesore, një që lidhej me afatet ligjore, pra afatet kohore për këto procedura dhe tjetra ishte se mos po hapet një derë e re”, u shpreh ai.
