Në ceremoninë e 32 vjetorit të LDK-së prezent ishte edhe ish kandidati për Kryetar në Mitrovicë, Agim Agolli.
Kjo edhe pse ditën e djeshme ai u shkarkua nga Lidhja Demokratike e Kosovës me degë në Mitrovicë.
” Unë në asnjë mënyrë nuk do të lejoj që qyteti im sërish të shndërrohet në arenë interesash të ngushta e meskine”, tha ndër të tjera Agolli.
Reagimi i plotë:
LDK si parti, dhe unë si individ, gjatë gjithë procesit të shtetndërtimit gjithmonë kemi qenë përkrahës të rrugës institucionale. Kjo qasje gjithmonë na ka bërë të ndryshëm nga të tjerët sepse, veç tjerash ka nënkuptuar edhe mosbllokimin proceseve edhe atëherë kur, si parti, nuk na kanë konvenuar politikisht. Për një arsye fare të thjeshtë, sepse shteti dhe institucionet e tij përherë kanë qenë dhe do të jenë mbi çfarëdo politike të brendshme partiake, dhe gjithsesi para çfarëdo pretendimi apo aspirate eventuale personale. Ky ka qenë parimi mbi të cilin ka vepruar lideri legjendar i LDK’së dhe i Kosovës, doktor Ibrahim Rugova. Këtij parimi unë i jam përmbajtur dhe mbi të vazhhdoj të veproj edhe sot e kësaj dite. Rrjedhimisht, pavarësisht asaj se në zgjedhjet e fundit unë kam qenë ndër tre pretendetët kryesorë për ta udhëhequr Mitrovicën, tani, kur fitues ka rezultuar të jetë z.Bedri Hamza, nga PDK, konsideroj se nuk është as e moralshme, as politikisht korrekte që unë, apo kushdo nga LDK të pretendoj bllokimin e funksionimit të institucioneve lokale të qytetit, të cilat mezi i çliruam nga njê despot që Mitrovicës i kushtoi shtrenjtë. Unë në asnjë mënyrë nuk do tê lejoj që qyteti im sërish të shndërrohet në arenë interesash të ngushta e meskine. Doki
