Mediat kosovare kanë vazhduar raportimet lidhur me disenjatorin e mirënjohur, Valdrin Sahiti, për të cilin po pretendohet se ndodhet nën masën e paraburgimit në Turqi.
Avokati i Sahitit, Besnik Berisha, sërish ka demantuar këto raportime, duke thënë se janë lajme të rreme.
Përmes një postimi në rrjetin social Facebook, Berisha ka thënë se janë detyruar t’i denoncojnë lajmet e disa mediave si ‘fake news’.
“FAKE NEwS! Me shume respekt per punen e secilit medium dhe koleg gazetar, lajmet e meposhtme jemi te detyruar t’i denoncojme si FAKE News sepse te tilla jane! Mos u besoni”, shkroi ai.
Ndryshe, sipas avokatit Berisha, klienti i tij ndodhet në Dubai duke vazhduar agjendën e tij biznesore dhe nuk bëhet fjalë për arrestim apo ndonjë çështje të ngritur kundër tij në shtetin e Turqisë.
