Një grua nga Prizreni ka vdekur për shkak të lëndimeve të marra nga goditja me veturë derisa ajo ishte duke kaluar rrugën në vendkalimin e shënuar për këmbësor dje në rrugën “Ekrem Rexha”.
Pas ishte goditur nga vetura, ajo u dërgua në QKUK, por nuk arriti t’i mbijetojë lëndimeve.
Policia tha se vozitësi i automjetit është ndaluar në qendrën e mbajtjes.
“Rr. Ekrem Rexha, Prizren 07.02.2025 – 11:28. Lëndime të rënda trupore ka pësuar viktima femër kosovare, pasi e njëjta gjersa ishte duke kaluar rrugën në vendkalimin e shënuar për këmbësor, është goditur nga një veturë në lëvizje të cilën e drejtonte i dyshuari mashkull kosovar. E lënduara është dërguar në tretman mjekësor në QKUK, mirëpo si pasojë e lëndimeve kishte ndërruar jetë. Me vendim të prokurorit trupi i pajetë dërgohet në IML për obduksion, ndërsa i dyshuari – vozitësi i automjetit ndalohet në qendrën e mbajtjes. Rasti në hetime”, tha policia sot në raport.
