U.D. i kryeprokurorit të Shtetit, Besim Kelmendi, ka uruar besimtarët myslimanë për festën e Fitër Bajramit.
Ai ka thënë se kjo festë është moment i veçantë.
“Të nderuar shqiptar të besimit mysliman, Me rastin e festës së Fitër Bajramit, uroj nga zemra që kjo ditë e shenjtë t’iu sjellë Ju dhe familjeve tuaja paqe, lumturi dhe begati. Angazhimi ynë si individ por edhe si bartës të funksioneve për të siguruar drejtësi dhe respektim të lirive dhe të drejtave universale të njeriut mbetet i palëkundur. Andaj, kjo festë është një moment i veçantë që na fton të gjithëve të jemi të bashkuar dhe të forcojmë lidhjet tona njerëzore, duke na ndihmuar në ndërtimin e një shoqërie më të drejtë, të barabartë dhe solidare. Le të jetë kjo festë lartësim i mirëkuptimit dhe harmonisë ndërmjet nesh!”
