Twitter verifikoi një llogari të rreme të Disney-t në fundjavë.
Llogaria, e quajtur @DisneyJuniorUK, po postonte përmbajtje të neveritshme, por arriti të verifikohej me një shenjë ngjyrë ari përpara se të pezullohej, transmeton Telegrafi.
“Kjo nuk është e vërtetë, dikush të më zgjojë nga gjumi”, shkroi pronari për ndjekësit e tij, dhe postimi në Twitter është bërë viral.
Kjo vjen pasi konfuzioni vazhdon për atë se si po funksionon sistemi i përditësuar i verifikimit të Twitter.
Ndërkohë, llogarisë së “vërtetë” të Disney Junior iu është dhënë gjithashtu një distinktiv floriri.
Javën e kaluar, Twitter ka filluar heqjen e shenjave blu për llogaritë e verifikuara më parë, ata që duan ta mbajnë duhet të abonohen në shërbimin Twitter Blue me pagesë.
