Turqia thotë se ka kryer një numër sulmesh ajrore ndaj rebelëve kurdë në Irakun verior, disa orë pasi një shpërthim vetëvrasës goditi ministrinë e brendshme.
Qeveria tha se 20 objektiva u shkatërruan dhe shumë militantë nga grupi rebel i ndaluar I Partisë Popullore të Kurdistanit u “neutralizuan”.
PKK tha se bomba e mëngjesit të së dielës në kryeqytetin, Ankara, u krye nga një grup i lidhur me ta, një anëtar i të cilit hodhi veten në erë.
Një sulmues i dytë u vra nga policia dhe dy policë u plagosën.
Partia e Punëtorëve të Kurdistanit (PKK) konsiderohet një grup terrorist në Turqi, BE, Britani të Madhe dhe SHBA, raporton BBC.
Sulmet ajrore të së dielës kishin në shënjestër depo dhe bunkerë të përdorur nga PKK, tha ministria e mbrojtjes e Turqisë.
AFP e citoi atë të thoshte se operacioni ishte “për të neutralizuar PKK-në dhe elementë të tjerë terroristë, për të parandaluar sulmet terroriste nga Iraku verior kundër popullsisë sonë dhe agjencive tona të zbatimit të ligjit dhe për të garantuar sigurinë e kufijve tanë”.
Agjencia kurde e lajmeve Rudaë tha se sulmet kishin në shënjestër malin Kandil pranë kufirit iranian, që besohet të jetë një bastion i PKK-së.
Ato u kryen pas një shpërthimi në bulevardin Ataturk të Ankarasë, që ndodhi disa orë përpara se parlamenti të mblidhej sërish pas një pushimi veror.
