Deputeti i Partisë Demokratike të Kosovës, Bekim Haxhiu, ka kërkuar sot nga qeveria që të sjellë në kuvend pakon e reformës pensionale, si dhe Projektligjin për Trustin.
Në një fjalim në seancën e sotme të Kuvendit të Kosovës, Haxhiu ka deklaruar se qeveria e ka obligim kushtetues ta procedojë në kuvend reformën e skemave pensionale.
Haxhiu i është referuar aktgjykimit të Gjykatës Kushtetuese për njohjen e kontributeve për punëtorët e viteve 90′-ta.
“Të sillet në këtë kuvend reforma pensionale, e cila është detyrim kushtetues për shkak të vendimit të Gjykatës Kushtetuese për të hequr pabarazinë ndaj pensionistëve të cilët kanë punuar gjatë viteve 90’. Është detyrim i qeverisë për të sjell në kuvend reformën pensionale”, ka thënë ai.
“Është obligim i qeverisë që ta rikthejë në kuvend edhe Projektligjin për Trustin”, ka deklaruar Haxhiu./PrishtinaPress/
