Ish-presidenti amerikan, Donald Trump, po i kërkon gjykatëses federale që e mbikëqyrë çështjen penale kundër tij, që ta shtyjë gjyqin për në prill 2026, raporton CNN.
Në një dosje të publikuar të enjten në mbrëmje, Trumpi i kërkoi gjykatëses së qarkut amerikan Tanya Chutkan që të refuzojë propozimin e prokurorit të posaçëm Jack Smithit për gjyqin në janar 2024, duke thënë se ai kërkon një kalendar gjyqi më të shpejtë se shumica e kundërvajtjeve pa dokumente, duke kërkuar vetëm katër muaj nga fillimi i zbulimit në përzgjedhjen e jurisë.
“Objektivi i qeverisë është i qartë: t’i mohojë Presidentit Trump dhe këshilltarit të tij një aftësi të drejtë për t’u përgatitur për gjyq. Gjykata duhet të refuzojë kërkesën e qeverisë”, deklaruan avokatët e ish-presidentit..
Ata po ashtu i kërkuan gjyqtares që në vend të kësaj të caktonte përzgjedhjen e jurisë dhe gjyqin për prillin e vitit 2026. Chutkan, e cila u emërua nga ish-presidenti Barack Obama, përfundimisht do të vendosë datën e fillimit të gjyqit, një vendim që ajo ka të ngjarë ta marrë deri në fund të muajit.
