Presidenti amerikan Donald Trump ka ndarë një video të gjeneruar nga inteligjenca artificiale në llogarinë e tij në Truth Social duke paraqitur vizionin e tij për të ardhmen e Gazës.
Videoja tregon kontrastin midis gjendjes aktuale të Gazës, të shkatërruar nga lufta dhe të sunduar nga Hamasi, dhe propozimit pwr transformimin e saj në një destinacion luksoz për pushime.
Videoja fillon me imazhet e shkatërrimit dhe terroristëve të armatosur, dhe më pas kalon në një imagjinim të Gazës së rigjeneruar, me hotele të larta, tregje të zhurmshme dhe fëmijë që luajnë në plazh.
Një kornizë e veçantë tregon një hotel luksoz të quajtur “Trump Gaza”, dhe shihet Trumpi duke u relaksuar me liderin izraelit, Benjamin Netanyahu.
