Si asnjëherë më parë, në Asamblenë e Përgjithshme të Kombeve të Bashkuaraudhëheqësit e shteteve po mbajnë fjalimet e tyre online shkaku i pandemisë globale.
Në mesin e tyre është edhe i pari i shtetit amerikan, i cili u përqendrua tek epidemia si dhe arritjen e marrëveshjeve ndërkombëtare, raporton reuters.
Presidenti i SHBA-së, Donald Trump deklaroi në seancën virtuale të Asamblesë së Përgjithshme të Kombeve të Bashkuara se Shtetet e Bashkuara po përmbushin fatin e tyre si paqebërës, transmeton Telegrafi.
Trump vuri në dukje se Shtetet e Bashkuara ndihmuan në arritjen e një marrëveshje mbi normalizimin e marrëdhënieve ekonomike midis Beogradit dhe Prishtinës, si dhe një marrëveshje mbi normalizimin e marrëdhënieve midis Izraelit, Emirateve të Bashkuara Arabe dhe Bahreinit.
Në fjalën e tij, Trump vlerësoi se Organizata Botërore duhet të kërkojë përgjegjësinë e Kinës sepse nuk arriti të parandalojë përhapjen e coronavirusit, i cili vrau rreth 200 mijë amerikanë dhe pothuajse një milion njerëz në të gjithë botën.
Ai akuzoi Kinën se nuk ndau informacione në lidhje me sëmundjen e re infektive, të cilën e quan “virusi kinez”, me kohë.
