Donald Trump ka kërcënuar me burgim të përjetshëm Mark Zuckerberg nëse shefi ekzekutiv i Meta-s tenton të “komplotojë”, sikurse ai thotë, kundër tij në zgjedhjet e ardhshme presidenciale.
Ish-presidenti ka pohuar në mënyrë të përsëritur, pa prova, se manjati i teknologjisë ndërhyri në zgjedhjet presidenciale të 2020-ës në favor të Joe Biden , ku demokrati u inaugurua më 20 janar 2021.
Në librin e tij të ardhshëm Save America, Trump ka deklaruar se Zuckerberg do të “kalojë pjesën tjetër të jetës së tij në burg”, nëse ai përpiqet ta kalojë atë përpara se amerikanët të hedhin votat e tyre më 5 nëntor.
“Ne po e vëzhgojmë atë nga afër dhe nëse ai bën ndonjë gjë të paligjshme këtë herë, ai do të kalojë pjesën tjetër të jetës së tij në burg – ashtu si të tjerët që mashtrojnë në zgjedhjet presidenciale të 2024”, shkroi Trump, sipas një fragmenti të parë për herë të parë nga Politico.
