“Ata kërkuan që ne t`i hiqnim krejtësisht sanksionet dhe këtë gjë nuk mund ta bëjmë. Ndonjëherë, duhet të çohesh e të ikësh”, Trump.
Udhëheqësi i vendit komunist, sipas Trumpit, kishte ofruar neutralizimin e objektit më të rëndësishëm nuklear të vendit, kompleksit të Yongbyonit, nëse Shtetet e Bashkuara pranonin heqjen e sanksioneve të ashpra të vendosura kombit të tij, por nuk ishte angazhuar të bënte të njëjtën gjë edhe me elementë të tjerë të programit atomik.
Dhe kjo, per shefin e Shtëpisë së Bardhë, u bë shkas që amerikanët të tërhiqeshin. Presidenti i SHBA-së njoftoi po kështu se nuk ka plane për mbajtjen e një samiti të tretë me Kimin. Në programin origjinal të Shtëpisë së Bardhë, ishte planifikuar që të enjten të organizohej “Ceremonia e Nënshkrimit të Marrëveshjes së Përbashkët”, si dhe një drekë pune në mes të dy liderëve, mirëpo pritshmëritë u shuan me anulimin e të dy këtyre eventeve mëngjesin e së enjtes