Ushtria izraelite tha se kishte shënjestruar selinë qendrore të Hezbollahut në periferitë jugore të Bejrutit të premten në një sulm që tronditi kryeqytetin libanez dhe dërgoi re të dendura tymi mbi qytet.
Gazeta Axios citoi një burim izraelit të thoshte se kreu i Hezbollahut, Sayyed Hassan Nasrallah ishte objektivi i sulmit dhe se ushtria izraelite po kontrollonte nëse ai ishte goditur.
Një burim i afërt me Hezbollahun i tha Reuters se Nasrallah është gjallë, ndërsa agjencia iraniane e lajmeve Tasnim gjithashtu raportoi se ai ishte i sigurt.
Një zyrtar i lartë i sigurisë iranian i tha Reuters se Teherani po kontrollonte statusin e tij, përcjell Klankosova.tv.
Televizioni al-Manar i Hezbollahut i mbështetur nga Irani raportoi se katër ndërtesa u shkatërruan dhe pati shumë viktima në sulmet e shumta, të cilat shënuan një përshkallëzim të madh të konfliktit të Izraelit me Hezbollahun e armatosur rëndë .
Izraeli ka goditur periferitë jugore të Bejrutit të kontrolluara nga Hezbollahu, të njohura si Dahiyeh, katër herë gjatë javës së kaluar, duke vrarë të paktën tre komandantë të lartë ushtarakë të Hezbollahut.
Por sulmi i së premtes ishte shumë më i fuqishëm, me shpërthime të shumta që tronditën dritaret në të gjithë qytetin, duke kujtuar sulmet ajrore izraelite gjatë luftës që ai luftoi me Hezbollahun në 2006.
