Barcelona ka rritur interesimin e tyre për Marcus Rashford gjatë ditëve të fundit, ku po synohet një transferim në formë huazimi i yllit të Manchester United.
Teksa mund të jetë e vështirë për shkak të problemeve të tyre financiare, ka një vendosmëri që ata do të mposhtin pjesën tjetër të skuadrave për të siguruar shërbimet e reprezentuesit anglez.
Sipas mediumit spanjoll Sport, ka një numër arsyesh pse Barcelona dëshiron të nënshkruajë me Rashford, me atë kryesoren që Hansi Flick e sheh si një lojtar më ndryshe nga opsionet e tij të tjera të sulmit.
Aftësitë e tij në situatat një për një me kundërshtarët është diçka që blaugranasit kanë nevojë në krahun e majtë, teksa shpejtësia e tij gjithashtu konsiderohet një aset i rëndësishëm.
Për më shumë, Barcelona e sheh Rashfordin si një opsion të shkëlqyer për ta përmirësuar thellësinë në fazën e sulmit, veçanërisht duke marrë parasysh se Ansu Fati pritet të largohet.
Dhe në fund, Flick e vlerëson faktin që Rashford mund të luajë në disa pozita të ndryshme, veçanërisht pasi ai mund të aktivizohet si sulmues qendre kur Robert Lewandowski nuk është i gatshëm apo duhet të pushohet.
Kjo nuk është një pozitë në të cilën 27-vjeçari ka luajtur shumë në vitet e fundit, por ai është në gjendje që ta plotësojë për Barcelonën kur ka nevojë.