Një ngjarje e rëndë ka ndodhur në orët e hershme të mëngjesit të sotëm në Klinë, ku një person është goditur nga treni.
Rastin e ka konfirmuar zëdhënësi i Policisë së Kosovës për Rajonin e Pejës, Fadil Gashi, i cili bëri me dije se viktima ka marrë lëndime të rënda dhe është dërguar me urgjencë në Emergjencën e Spitalit të Pejës.
“Është i moshuar dhe është dërguar në Emergjencë. Momentalisht ndodhet në Emergjencën e Spitalit Rajonal në Pejë”, tha Gashi.