Ditën e sotme tre turistë çekë janë shpëtuar me helikopter pasi mbetën të bllokuar në malin e Jezercës.
Ndërkohë lajmi u bë i ditur nga ministri i Mbrojtjes, Niko Peleshi, me një postim në Facebook, ku bën të ditur edhe gjendjen e tyre shëndetësore.
“Helikopteri Cougar, me personel të kërkim shpëtimit kanë shkuar në ndihmë të 3 turistëve çekë që kanë mbetur të bllokuar në malin e Jezercës. 3 turistët janë në gjendje të mirë shëndetësore, ndërsa po ndihmohen nga efektivët e misionit SAR”, shkruan ministri i Mbrojtjes.
