Autobusët e Trafikut Urban në Prishtinë do të punojnë me orar të reduktuar nga ora 06:00 deri në orën 19:00, pas vendimit të Qeverisë së Kosovës për masat e reja antiCOVID-19.
Nga Trafiku Urban njoftojnë se vetëm linja e aeroportit dhe linja e fshatit Keçekollë do të qarkullojnë sipas orarit të rregullt.
“Njoftim për reduktimin e orarit të qarkullimit, në mbrëmje deri në ora 19:00. Autobusët e Trafikut Urban do të qarkullojnë çdo ditë nga ora 06:00 deri në orën 19:00, përveç në Linjen 1A (qarkullimi për aeroport dhe anasjelltas) dhe Linja 15 (fsh. Keçekollë), që në këto dy linja do të përfundohet qarkullimi sipas orarit normal të tyre”, thuhet në njoftimin e Trafikut Urban.
“Andaj, duke e zbatuar Vendimin e Qeverisë Nr.01/42 të datës 11.11 2020 për mbrojtje nga pandemia COVID-19, me këtë orar do te vazhdon qarkullimi i autobusëve tanë, deri në nxjerrjen e ndonjë vendimi tjetër nga institucionet përgjegjëse. Vendose maskën mbroje vetën dhe të tjerët! Për më shumë sqarime, mund të kontaktoni Qendrën e Thirrjeve përmes telf. & Viber: 045 10 11 22; 045 10 11 23; 045 10 11 28”, thuhet në njoftimin e Trafikut Urban. /Telegrafi/
