Tifozët amerikano-latinë njihen për gjaknxehtësinë e tyre që lidhet me pasionin e jashtëzakonshëm për futbollin. Megjithatë, shpeshherë si rrjedhojë e “pasionit” ata kalojnë edhe limitet. Kështu ka ndodhur me ultrasit e klubit argjentinas të Velez të cilët pas disfatës me Huracan shkuan në qendrën sportive të skuadrës së tyre dhe sulmuan lojtarët.
Ultrasit nuk u kursyen, por goditën me grushta e shkelma futbollistët ndërsa e pësuan keq edhe makinat e parkuara të cilët pësuan dëmtime të shumta. Ndërkohë, pas kësaj ngjarje, lojtari i datëlindjes së vitit 2006, Gianluca Prestianni kërkoi nga klubi lejen për t’u larguar pasi nuk mund të vazhdonte më pas këtij sulmi të ultrasve.
