Analisti politik, Ilir Ibrahimi, ka thënë se nëse Zajednica kalon atëherë duhet t’i ndryshojë emri edhe paritës së Albin Kurtit, Vetëvendosjes.
Sipas Ibrahimit, Zajednica nuk kalon” ka qenë slogani mbi të cilin ky subjekt e ka ndërtuar një kauzë politike .
“Ti kërkosh Albin Kurtit sot ta pranojë “Zajednicën” është sikur t’i kërkosh atij t’ia ndërrojë emrin Vetëvendosjes. “Zajednica nuk kalon” është slogani mbi të cilin ky subjekt e ka ndërtuar një kauzë politike e cila kontribuoi në arritjen e rezultatit të pashembullt zgjedhor. Prandaj “Zajednica nuk kalon” është ajo që e definon këtë subjekt. E nëse kalon, atëherë ndoshta duhet filluar të mendohet për një emër të ri të subjektit politik”, ka shkruar Ibrahimi.
Ai tha se personalisht mendon se Asociacioni është një kancer në funksionimin e shtetit të Kosovës.
