Një person është therur me thikë gjatë një përleshje mes disa personave.
Zëdhënësi i Policisë për rajonin e Pejës, Fadil Gashi ka bërë të ditur për Gazetën Nacionale se personi i lënduar është dërguar në Spitalin Rajonal të Pejës për tretman mjekësor.
Gashi ka njoftuar se të dyshuarit kanë ikur nga vendi i ngjarjes dhe se policia janë në kërkim.
“Rreth orës 19:30, në rrugën “Jeton Dedushaj” në Pejë, disa persona janë përleshur mes vete. Me të dal policia në vendin e ngjarjes kanë kuptuar se një person është lënduar nga arma e ftoftë, thikë. I njëjti me urgjencë është dërguar në Spitalin Rajonal të Pejës. Të dyshuarit janë larguar në drejtim të panjohur dhe policia është në kërkim t tyre. Në vendin e ngjarjes kanë dalur njësit kompetente.” – ka bërë të ditur Gashi.
