Dy persona janë therur me thikë pas mesnatës në Pejë.
Të lënduarit janë dërguar për trajtim në spital.
Rastin e ka konfirmuar zëdhënësi i policisë për rajonin e Pejës, Fadil Gashi.
Gashi tha se ngjarja ka ndodhur pas një konflikti në një lokal në qytet.
“Dy të dyshuar janë shpallur në kërkim nga policia. Ata kanë ikur nga vendi i ngjarjes dhe janë ende në arrati”, tha Gashi.
“Pas përfundimit të procedurave policore, Prokurori i Shtetit ka nxjerrë aktvendim për nisjen e hetimeve dhe ndërmarrjen e veprimeve që zbardhin rrethanat e rastit”, tha ai.
Sipas raportimit të mediave, konflikti mes palëve ka ardhur për një gotë.