Presidenti i vendit, Hashim Thaçi ka bërë homazhe para varrit të Presidentit historik, Ibrahim Rugovës me rastin e përvjetorit të 12-të nga vdekja e tij.
Thaçi ka thënë se Rugova ka bërë një punë të shquar në fushën e albanologjisë. Sipas tij, ai është angazhuar në kohën kur pushteti i Millosheviqit e zhveshi Kosovën nga të gjitha të drejtat politike, administrative dhe kombëtare.
Me këtë rast, ai tha se “Do ta kujtojmë dhe nderojmë gjithnjë si president të parë të Kosovës”, ka shkruar Thaçi.
Postimi i plotë:
U bënë 12 vjet nga vdekja e presidentit Ibrahim Rugova.
Pas një pune të shquar në fushën e albanologjisë, ai u angazhua politikisht në kohën kur pushteti i Millosheviqit e zhveshi Kosovën nga të gjitha të drejtat politike, administrative dhe kombëtare.
Brenda një periudhe dhjetëvjeçare udhëhoqi një politikë të rezistencës paqësore, duke shprehur vullnetin e popullit të Kosovës për liri dhe pavarësi, me orientim nga vlerat perëndimore.
Pas çlirimit të Kosovës, presidenti Rugova ishte pjesë e të gjitha ngjarjeve dhe vendimeve të konsolidimit të shtetit të Kosovës, deri në momentin e vdekjes.
Do ta kujtojmë dhe nderojmë gjithnjë si president të parë të Kosovës. HTH.
