Presidenti i vendit, Hashim Thaçi ka zhvilluar një takim me drejtorin e Institut Kombëtar të Shëndetësisë Publike, Naser Ramadani.
Pas këtij takimi, presidenti Thaçi në një prononcim para medieve tha se është duke përgatitur dekretin për të dorëzuar për shpalljen e gjendjes së jashtëzakonshme në Kosovë për një periudhë 30 ditore.
“Duke pasur parasysh atë që kemi diskutuar mbrëmë dhe sot me takimet që kam zhvilluar, dua të theksoj se Zyra Ligjore e Presidentit dhe Zyra Ligjore e Kuvendit janë duke u koordinuar që të finalizohet dekreti i Presidentit të Kosovës për ndërmarrjen e masave për kalimin e kësaj gjendje që kemi. Në minutat vijues do të informoheni edhe në detaje për përmbajtjen që përfshinë gjendjen e jashtëzakonshme në tërë territorin për një periudhë 30 ditore me mundësi zgjatje apo zvogëlimi të ditëve varësisht nga situata”, ka thënë Thaçi.
Presidenti shtoi se menaxhimin më të mirë të tërë situatës së krijuar mund ta bëjnë vet qytetari, familja shoqëria me përkushtimin e tyre duke ndihmuar njëri tjetrin dhe duke ia lehtësuar këto kohë jot ë lehta që po i kalojmë.