Një Ferrari F40, një nga superveturat më ikonike në historinë e automobilave, pati një fund dramatik gjatë një prove rutinë.
Një video që u shfaq në internet kap momentin e saktë kur vetura humbi kontrollin, duke çuar në një përplasje spektakolare që ka lënë të drithëruar entuziastët e veturave.
Pamjet, të shpërndara gjerësisht në Instagram, tregojnë F40 duke u kthyer në mënyrë të pakontrolluar përpara se të kthehej ashpër djathtas.
Rrotat e pasme duket se humbasin tërheqjen, duke e çuar veturën në buzë të rrugës, përcjell Telegrafi.
Në pamundësi për të rimarrë kontrollin, shoferi godet një pengesë, duke bërë që supervetura të rrokulliset ndërsa rrotat e saj shkelin terrenin me baltë.
Incidenti rezultoi gjithashtu në rrëzimin e një shtylle drite.
Shoferi, mësohet se ishte teknik shërbimi, ka shpëtuar pa lëndime.
Megjithatë, nuk mund të thuhet e njëjta gjë për Ferrarin, i cili pësoi dëmtime të mëdha.
Vozitja e provës, që synonte të siguronte performancën e automjetit, mori një kthesë të papritur, duke e lënë teknikun me shumë pyetje për t’iu përgjigjur.
Ndryshe, Ferrari F40 fuqizohet nga një motor 3.0-litërsh V8.
