Një tentim vrasje ka ndodhur dje rreth orës 17:00 në Graçanicë.
Policia e Kosovës ka thënë se viktima mashkull kosovar deri sa ishte duke lëvizur me veturën e tij, ka raportuar se nga një veturë tjetër në lëvizje në të cilën ndodheshin dy të dyshuar, është shtënë me armë zjarri në drejtim të tij.
Si pasojë e të shtënave janë shkaktuar dëme materiale në veturën e viktimës.
Në vendin e ngjarje janë gjetur dhe konfiskuar dy gëzhoja dhe një predhë e pa shkrepur.
Nuk raportohet për të lënduar përderisa rasti është duke u hetuar.