Një person u vra dhe një tjetër u plagos nga të shtënat në fabrikën e Mercedes Benz në Gjermaninë jugore, raporton Reuters duke cituar mediat gjermane.
Ekipet e shpëtimit janë në vendngjarje në fabrikën 56 në Sindelfingen, e cila monton S-Class, sipas gazetës Bild.
Sipas një raporti në një gazetë gjermane duke cituar policinë, i dyshuari u ndalua pas të shtënave në fabrikë.
Ai shtoi se motivi i të shtënave është ende i paqartë.
Policia konfirmoi më parë në Twitter se një operacion ishte duke u zhvilluar në fabrikë, por nuk përmendi viktima.
Mercedes konfirmoi se ka pasur një incident në fabrikë dhe se është në kontakt me autoritetet, pa dhënë detaje.
