Ministrja Vlora Dumoshi ka zhvilluar një takim pune me përfaqësuesit e Klubit të Prodhuesve të Kosovës, të kryesuar nga Drejtori Ekzekutiv, Astrit Panxha, me të cilin diskutuan për sektorin e kulturës, rinisë e trashëgimisë.
Në kuadër të temave që u diskutuan në takim ishin: projektet për rini, pastaj prioritetet dhe sfidat me të cilat ballafaqohen prodhuesit e moshave të reja.
Ministrja Dumoshi u shpreh se MKRS-ja vazhdimisht ka rritur përkrahjen për të rinjtë e Kosovës, nga viti në vit. Ajo tha se do të angazhohet dhe inkurajon të rinjtë që të përfshihen në projektet e MKRS-së, sidomos ato që ndërlidhen me prodhimin e me ndërrmarrësinë. “Me rritjen e prodhimit sidomos nga ana e të rinjve fuqizon sektorin e rinisë dhe i jep një impuls edhe zhvillimit të vendit në tërësi”, veçoi ministrja.
Ndërkaq, drejtori Panxha e vlerësoi gatishmërinë që ministrja Dumoshi dhe MKRS-ja do të përkrahin të rinjtë në fushën e prodhimit.
